مساعدة في التخطيط بعد الثانوي

السلام عليكم ورحمة الله وبركاته

كيف الحال ... عساكم بخير ان شاء الله

هذا الموضوع الثاني اللي اكتبه بنفس العنوان في هذا المنتدى ولكن في قسم آخر ....
حيث أنه للاسف ما وصلني أي رد على الموضوع الأول واضطريت اني احذفه بعدما فقدت الأمل ...
المساعدة في التخطيط لما بعد الثانوية ( طالب اخر سنة )
حتى حضر أحد الإخوان جزاه الله خير بعدما حذفت الموضوع .... وأعطاني بعض الأمل في الحصول على أجوبة
وقمت بكتابة الموضوع مرة أخرى ... لعلي أجد ضالتي بإذن الله ..
واختياري لهذا القسم لظني بأن الأغلبية متواجدين فيه من رواد جميع الأقسام بالمنتدى ....
اخوكم/اصيل السليماني
على كل حال .. أنا والعياذ بالله من كلمة انا .... طالب في الصف الثالث الثانوي - طبيعي
تخرجت من الصف الثاني الثانوي ... بنسبة 97,47 % والحمد لله
وحصلت في الفصل الدراسي الأول من الصف الثالث الثانوي على نسبة ... 97,54 % والحمد لله
وحصلت في اختبار القدرات على الدرجة 89 .. ولله الفضل والمنه ( ماشاء الله تبارك الله )
أدرس بمدرسه حكوميه .... >> سمعت انه يفرق اذا كان حكومي أو أهلي
أميل للحاسب الآلي بشتى علومه .... ويمكن نسمع كثير عن طلاب ودهم يحددوا ميلهم للحاسب الآلي
بناء على خبرتهم في دخول الماسنجر أو المنتديات ... وغير هذي الاستخدامات العاديه واللي يتقن أغلبية الناس
ميلي للحاسب هو ميل تقني .. بحيث اني الحمد لله اتعامل مع لغات برمجة واصمم مواقع ولي خبرة في ادارة السيرفرات
وأمن المعلومات والاختراق ( خاصة ) ... وأي مجال من مجالات علوم الحاسب يجذبني .. اقرا فيه
فأتوقع لو لقيت تخصص مناسب يميل لهالأشياء فهو مناسب جداً لي
ويساعدني كثير في دراستي ... ويعطيني أفضلية بالابداع بإذن الله

ما بقي الآن إلا شهرين أو ثلاث شهور على تخرجي بإذن الله تعالى ... وأنا حالياً في طور التخطيط لما بعد المرحلة
الثانوية ... بحثت كثير في النت ... ولكن ما وجدت الاجابة الشافيه في تحديد مشوار ما بعد التخرج بإذن الله
ولذلك قررت أن أضع هذا الموضوع وفي هذا المنتدى لوجود أشخاص هنا من شتى التخصصات وطلاب مبتعثين
وأصحاب تجارب ... لعلي أستفيد منهم بإذن الله ...
في الحقيقه ... فيه ناس تميل للحفظ وفيه ناس تميل للفهم وعلى هذي الأشياء يبدا يختار تخصصه وبالنسبه لي
ما يفرق معي الحفظ أو الفهم ... الحمد لله كلها أشياء عاديه بالنسبه لي ولا قد لاحظت اني اميل لشي فيها دون الاخر
والبعض الآخر يقول ادخل التخصص اللي تحبه ... وهنا صعب أيضاً ... يعني لو مثلاً لو تحب الزراعة
تدخل تخصص زراعة .... وش تسوي بالسعودية ما تلقى شي .... وان لقيت وظيفة ما تسوى التعب اللي تعبته
وكان بامكانك تدخل أشياء أفضل بكثير ... فبسبب هذي الأشياء أحتاج مساعدتكم ومشورتكم
وكما ذكرت مسبقاً فأنا أميل لعلوم الحاسب بشكل عام ...
وكثير ما نسمع عن تخصصات الحاسب لدينا بأنها بسيطه ... أو أي واحد يدخلها
وهذي المشكله .... قاعد في الثانوي 12 سنة ... ودراسة وتعب ... وفي النهاية ادخل تخصص
القى واحد نسبته في الثمانينات وجالس معاي في نفس التخصص !!
صحيح أحب أخيك ما تحب لنفسك .... ولكن في نفس الوقت ... هذا ماهو عدل ولا انصاف لفرق المجهود
وأيضاً توفر الوظايف والمستوى الوظيفي ...... وغيرها من الأمور
ومثلاً ... تكون نسبتي تدخلني طب ... واروح اختار تخصص ما يسوى الطب ولا يساوي ولا حتى قريب منه
فأنا أحتاج تخصص عالي ..... إن كان فيه شي حاسب او قريب من الحاسب ... يوفر متطلباتي أو تخصصات أخرى
من تخصصات الهندسة مثلاً ... واذا كان مافيه شي يوفر متطلباتي فأحتاج نصايحكم في التخصصات
المطلوبة في سوق العمل حالياً وبعد 5 سنوات من الآن ....
فأود السؤال حالياً .... عن كيفية معرفة التخصصات المطلوبة في سوق العمل حالياً او بعد 5 سنوات من الآن ؟
وأتمنى من الجميع يساعدني في تحديد هدفي ... ماذا أفعل بعد الثانويه
لو يرسلم لي مخطط كامل فيها توضيح للجامعه اللي ادخلها او اقدم ابتعاث ... وايش نوع التخصص
والشهادات اللي اخذها والأماكن اللي ممكن اقدم فيها واتوظف فيها بإذن الله
واي شي يقدر يفيدني فيه .....
من ناحية التخصصات والجامعات والابتعاث والاشياء اللي تناسبني .... بالاضافه لسنوات الدراسة
والاماكن اللي ممكن اشتغل فيها ... وطبيعة العمل


وشكرن اخوكم/اصيل السليمااااااني